Racconto contemporaneo (per l’epoca) in versi siciliani pubblicatp nel 1845.
Dall’incipit del libro:
Era un ancilu Nina; e la biddizza
Chi ‘ntra la sua facciuzza risplinnia
Di l’anima mustrava ogni fattizza
Di supraumana ancelica armunia:
Una suavi e duci tinnirizza
Spirava a cui vicinu ci sidia;
‘Nsumma raccolta in idda avia natura
Tuttu l’incantu d’ogni sua fattura.
Si ci liggeva intanta ‘ntra l’aspettu
Un terribili affannu, un gran duluri,
Chi straziava ognura lu so pettu
Pri scursi fatalissimi svinturi;
E lu cori firutu da un affettu
Figghiu d’incantu e giuvanili arduri
L’avia ‘ntra li cchiù frischi e tener’anni
Jittatu dintra un pelagu d’affanni.
Difatti si vidia la svinturata
Oppressa sempri da un’infausta sorti
Da cruda rimembranza travagghiata
‘Ntra l’anima sintia l’orrennu e forti
Pisu di un so delittu; e spavintata
Sulu vidia l’immaggini di morti
Per ultimu cunfortu, e darci intantu
Qualchi raggiu di paci a lu so chiantu.
Ah quantu voti in lagrimi sfugava
Lu chiusu so rammaricu e l’affannu!
Quantu voti chiancennu addisiava
Chiddi mumenti in cui lu disingannu
Di la tenera età la dominava,
Né mai l’idia di ddu funestu ingannu
Ci stava avanti l’occhi, e in gioja e risu
Eranu li so’ jorna un paradisu.
Scarica il libro:
