Dramma napoletano in un atto. Rappresentato per la prima volta a Napoli al Teatro Mercadante, dalla Compagnia diretta da E. Murolo, la sera del 17 ottobre 1916.
Dall’incipit del libro:
SCENA I.
VOCI DAL BUGIGATTOLO (vivacissime)
– E comme juoche, Totò?
– ‘O bbuó capì ch’i’ nun tengo carte ‘mmano?
– Cinche e ddoie a sette: e faccio scopa!
– E chisto è n’auto sette!
– (gridando) Bravo! Bravo! Bravo!
– Tu me stuone, Gennarì!
L’ANONIMO (sorseggia, fuma e fissa, di tanto in tanto, Filomena, cupidamente.)
RAFFAELE (è pallido, pensoso, col mento sul petto.)
MICHELE (lo scuote con le mani) Rafilù!… Rafilù!… Embè, chesto che d’è? Io nun te voglio vedé accussì!
RAFFAELE (si lascia scuotere, e ricasca nella sua tristezza inerte.)
MICHELE (si gratta la nuca) ‘O ssaccio ch’ ‘a partenza è amara. Agrus est! È amara, pecché, vota e gira, se va a cuntrattà cu ‘a morte, e ‘a morte fa paura. Ma, Rafilù, tu hê ‘a credere a ‘o cumpariello tuio (indica se stesso) che ll’ha pruvato. Sarrà nu miraculo, sarrà ch’ ‘o Signore te vo aiutà, il fatto è questo: che quanno te truove llà, è n’ata cosa. ‘A morte nun è cchiù niente! Siente siscà ‘e ppalle che te spertosano ‘o berretto, siente ntrunà cierti bòtte che te sfonnano ‘e rrecchie, e tu ‘e ppiglie a pazzia.
Te nce spasse. È un divertimento! Te pareno – che ssa? – na smargiassata, na sbruffunaria. Bumm! Bumm! Buumm! E tu rispunne cu nu pernacchio. N’aggio allazzate pernacchie, fratu mio! Robba fina! Robba ‘e Napule! Arrevavano cchiù luntano d’ ‘e cannunate. E ‘o tenente – che era pur’isso napulitano – tutto s’arrecriava. Nu giovinotto di valore, Rafilù!… Encomio solenne! Medaglia ‘ argiento! (Breve pausa) …Puveriello!… Cadette muorto ‘o stesso juorno ch’io fuie ferito!…
VOCI DAL BUGIGATTOLO
– Ah, caspeta, tengo ‘o quarto Re! Scopa!
– Bravo! Bravo!
Scarica il libro:
